Қўшимча функционаллар
-
Тунги кўриниш
Чехия ташқи ишлар вазири Европа мамлакатларини россиялик дипломатларни чиқариб юборишга чақирди
17 апрелда расмий Прага россиялик 18 нафар дипломатни мамлакатдан чиқариб юборишга қарор қилганди.
Ян Гамачек / Фото: DPA
Чехия ташқи ишлар вазири Ян Гамачек иттифоқчи мамлакатларни Прага билан бирдамлик белгиси сифатида россиялик дипломатларни чиқариб юборишга чақирди. Бу ҳақда Sky News хабар берди.
«Биз бирдамликни истаймиз ва ҳамкасбларимдан уларнинг ҳудудларида ишлайдиган россиялик мансабдор шахсларни чиқариб юбориш имкониятини кўриб чиқишни сўрадим», — деди Гамачек.
17 апрелда расмий Прага Россия махсус хизматларини 2014 йилда Чехияда ўқ-дори омборхонасидаги портлашга алоқадорликда гумон қилиб, россиялик 18 нафар дипломатни мамлакатдан чиқариб юборишга қарор қилди. Праганинг фикрича, ушбу шахслар Россия махсус хизматларининг дипломатик ниқоб остида ишловчи ходимлари ҳисобланади.
Россия бунга жавобан Чехиянинг 20 нафар дипломатини «персона нон грата» деб эълон қилди.
Мавзуга оид
16:00 / 18.10.2024
Чехия Украина учун ўқ-дориларни сотиб олишни давом эттиради
21:00 / 07.10.2024
Рамзон Қодиров миграция сиёсатида «ўрта аср ёндашувларидан» воз кечишга чақирди
20:07 / 07.10.2024
Россияда саккиз нафар генерал лавозимдан олинди — ОАВ
20:51 / 04.10.2024