Фарғонада коронавирусга қарши эмланганлар 100 минг нафардан ошди

Эмлаш жараёни бошлангандан буён, бугунги кунгача вилоятда коронавирус инфекциясига қарши эмланган фуқаролар сони 105 158 нафарга етди. 

2021 йилнинг 29 апрель куни Фарғона вилояти ҳудудлари бўйлаб  жами 16 838 нафар киши COVID-19га қарши эмланди. Бугунги кунгача вилоятда коронавирус инфекциясига қарши эмланган фуқаролар сони 105 158 нафарга етди. Бу ҳақда Kun.uz’га Санитария-эпидемиологик осойишталик ва жамоат саломатлиги хизмати Фарғона вилояти бошқармаси ОАВ ва жамоатчилик билан ишлаш бўлими маълум қилди. 

Таъкидланишича, 29 апрель кунидаги эмлаш кўрсаткичлари бўйича юқори ўринларни Ўзбекистон тумани (2384 нафар), Олтиариқ тумани (1424 нафар), Қува тумани (1364 нафар) банд қилган. Эмланганлар орасида жиддий асоратлар ва ножўя таъсирлар кузатилмаган.