Бангладешдаги фабрикада юз берган ёнғинда 52 киши ҳалок бўлди

Ёнғин тез аланга оладиган материаллар ва кимёвий моддалар сақланадиган юқори қаватларда давом этмоқда.

Бангладешдаги ичимликлар фабрикасида юз берган ёнғин ўнлаб кишиларнинг ўлимига сабаб бўлди, ҳалок бўлганлар сони янада ошиши мумкин, деб хабар берди Reuters.

Айни пайтга қадар 52 киши ҳалок бўлгани маълум. Камида 20 киши жароҳатланган. Ёнғин қуршовида яна қанча одам қолиб кетгани аниқ эмас.

Ёнғин тез аланга оладиган материаллар ва кимёвий моддалар сақланадиган юқори қаватларда давом этмоқда.

Биринчи қаватда бошланган ёнғинга нима сабаб бўлгани ҳозирча номаълум.

Қайд этилишича, 2012 йилда Бангладешдаги фабрикада содир бўлган ёнғин оқибатида мингдан ортиқ ишчи ҳалок бўлган.