Қарши шаҳридаги чорраҳада юк машинаси ва “Nexia-3” тўқнашди

Қарши шаҳрида жойлашган чорраҳалардан бирида “MAN” русумли юк машинаси ва “Nexia-3” тўқнашган. Бу ҳақда ИИВ ЙҲХБ хабар бермоқда.

Маълум қилинишича, жорий йил 2 август куни соат 14:50 ларда, Қарши шаҳар, Ислом Каримов ҳамда Амир Темур кўчалари кесишган чорраҳада ҳайдовчи Э.Д. бошқарувидаги “MAN” русумли юк машинаси ҳамда ҳайдовчи И.У. бошқарувидаги “Nexia-3” иштирокида тўқнашув содир бўлган.

Оқибатда “Nexia-3” машинаси ҳайдовчиси тан жароҳати олган ва шифохонага ётқизилган.

Ижтимоий тармоқларда мазкур йўл-транспорти ҳодисаси тасвирланган видео тарқалди. Унда светофорнинг яшил чироғида ҳаракатланиб, чорраҳа ўртасига етган “Nexia-3” машинасини бошқа кўчадан чиқиб келган юк машинаси келиб ургани ва чорраҳа четигача суриб борганини кўриш мумкин.