Туркияда самолёт қулаши оқибатида беш нафар россиялик ҳарбий ҳалок бўлди

Бе-200 самолёти Қаҳрамонмараш вилоятида ҳалокатга учраган. У ўрмон ёнғинини ўчиришда иштирок этаётган бўлган.

Фото: Anadolu Agency

Туркияда Бе-200 самолёти ҳалокатга учраши оқибатида беш нафар Россия ва уч нафар Туркия фуқароси ҳалок бўлди. Бу ҳақда Россия мудофаа вазирлиги хабар берди.

«Туркияда Бе-200 самолёти ҳалокатга учраши оқибатида ёнғинга қарши курашаётган беш нафар россиялик ҳарбий хизматчи ва уч нафар Туркия фуқароси ҳалок бўлди», — дейилади хабарда.

Хабарда айтилишича, Бе-200 самолёти Қаҳрамонмараш вилоятида ҳалокатга учраган. У ўрмон ёнғинини ўчиришда иштирок этаётган бўлган.

Hurriyet газетасининг ёзишича, самолёт тоғда қулаб тушган. Туркия ўрмон хўжалиги бошқармасининг билдиришича, ҳаво кемаси ўрмон ёнғинларини ўчириш учун Россиядан ижарага олинган.