Президент: «Ёшларимизни энди орқага қайтариб бўлмайди»

Kun.uz мухбири хабарига кўра, президент тадбир давомида таълим масаласига ҳам тўхталиб ўтди.
  
“Янги мажмуаларни ишга туширяпмиз, иш ўринлари яратяпмиз. Мана шу ПВХ ишлаб чиқариш мажмуасини ишга тушириш жараёнини бевосита кузатиб бордим, ҳисобот бериб боришди. Икки марта ишлаб чиқариш тўхтаб ҳам қолди. Лекин хорижлик ҳамкорларимизни ҳайратлантирган ҳолда, ўзимизнинг мутахассислар ишлаб чиқаришни қайта йўлга қўйдилар.

Мен бежизга таълимга эътибор бермайман. Агар фарзандларимиз яхши таълим олишса, яхши мутахассислар бўлиб етишади. Бизга ёш кадрлар зарур, янги технологияларни ишлата оладиган йигит-қизлар зарур. Тадбирда қатнашаётган ёшлар – эслаб қолинглар, қачондир ПВХ ишлаб чиқарамиз деганда ҳеч ким ишонмаганди. Энди олдимизга янги-янги режалар қўямиз ва албатта амалга оширамиз. 

Ёшларимизни энди орқага қайтариб бўлмайди. Навоий ёшларининг ҳам орзу-истаклари катта.

Келажакда экспорт ҳажмини 3,5 млрд долларга чиқармоқчимиз. Мана шу корхона маҳсулотига ҳам ҳозир жаҳон бозорида катта талаб бор”, – деди президент.