Ҳукумат тиббий-ижтимоий муассасалар тўғрисидаги низомларни тасдиқлади 

“Тиббий-ижтимоий хизматларни ривожлантириш агентлигининг тиббий-ижтимоий муассасалари тўғрисидаги низомларни тасдиқлаш ҳақида”ги ҳукумат қарори қабул қилинди

“Саховат” кексалар ва ногиронлиги бўлган шахслар учун интернат уйлари тўғрисидаги низомга кўра, мазкур интернат уйларига:

• парвариш қилиш шарт бўлган 1-даражали қариндоши ёки васийлари бўлмаган ёлғиз кексалар;
• 18 ёшидан бошлаб I ва II гуруҳ ногиронлар;
• ўзгалар парваришига муҳтож ёлғиз I гуруҳ ногирон кексалар жойлаштирилади.

Қуйидагилар “Саховат” интернат уйларига қабул қилишга қарши кўрсатмалар ҳисобланади:

• тутқаноқ бўладиган эпилепсия, мунтазам тутқаноқларга, эпилептик мақомга, дисфорияларга мойиллик;
• руҳий касалликлар;
• сил касаллиги;
• юқумли тер ва соч касалликлари;
• ўткир юқумли касалликлар;
• салбий жараёндаги, ёмон ҳолатда ўтадиган шиш касалликлари ва рецидивлари;
• таносил касалликлари.

Қуйидаги низомлар тасдиқланди:

• “Мурувват” ногиронлиги бўлган шахслар учун интернат уйлари тўғрисида;
• “Мурувват” ногиронлиги бўлган болалар учун интернат уйлари тўғрисида;
• Кексалар ва ногиронлиги бўлган шахслар, уруш ва меҳнат фахрийлари учун санаторийлар тўғрисида;
• Уруш ва меҳнат фахрийлари учун республика пансионати тўғрисида.