Туркия Беларусь чегарасидаги миграция инқирозида айбдор эмаслигини айтди

Беларусь ва Польша чегарасидаги миграция инқирозига Анқаранинг алоқаси йўқ ва юз бераётган ҳодисада ўзини айбдор деб тан олмайди. Бу ҳақда Туркия ташқи ишлар вазирлигида маълум қилинди.

“Биз Туркияни Европа иттифоқи чегараларига мигрантларни ташлашга алоқадорликда айблашга барча уринишларни рад этамиз”, деб айтилган вазирликда ва мамлакат 4 миллионга яқин суриялик муҳожирга бошпана берганлиги қўшимча қилинган.

Вазирликда Turkish Airlines авиакомпаниясига билдирилган айбловларга шундай жавоб берилган. Аввалроқ бир қатор ғарб оммавий ахборот воситаларида Turkish Airlines Беларусь ҳукумати билан ҳамкорлик қилаётганликда ва республикага мигрантларни етказаётганликда айбланган. Бироқ авиакомпания чегарадаги ҳолатга ҳеч қандай алоқаси йўқлигини айтган.

Туркия ташқи ишлар вазири Мавлут Човушўғлу ҳам ушбу айбловларни рад этган. Анқара ҳаттоки Варшавага Туркияга мамлакатнинг ушбу вазиятга алоқадорлигини текшириш учун махсус комиссияни юборишни ҳам таклиф қилган.

Айни вақтда Беларусь ва Польша чегарасида минглаб мигрантлар йиғилиб, Европа иттифоқи ҳудудига ўтишга уринмоқда.