Меркел Россияга янги санкциялар киритиш билан таҳдид қилди

«Украина суверенитетига таҳдид соладиган ҳар қандай тажовуз қимматга тушади», — деди Меркел.

Фото: AFP

Украинадаги вазият кескинлашган тақдирда ЕИ Россияга қарши янги санкциялар киритиши лозим. Бу ҳақда Германия канцлери вазифасини бажарувчи Ангела Меркел айтди, деб хабар бермоқда Reuters.

Меркелнинг сўзларига кўра, ЕИ Польша чегарасига ҳужум қилаётган қочқинларни қўллаб-қувватлаётган Беларусь ва Украина чегарасида қўшинларини жойлаштираётган Россия билан муносабатлар масаласида бирдамлик кўрсатиши керак.

«Украина суверенитетига таҳдид соладиган ҳар қандай тажовуз қимматга тушади», — деди Меркел.

Эслатиб ўтамиз, 26 сентябрда ўтказилган Бундестаг сайловларидан кейин олиб борилган икки ойлик музокаралардан сўнг Ангела Меркел ўрнини Олаф Шолц эгаллайди.