Сурхондарё вилояти Термиз туманида ўғрилик қилган эр-хотинга жиноят иши қўзғатилган. Бу ҳақда вилоят ИИБ ахборот хизмати хабар бермоқда.
Маълум қилинишича, 2021 йил 1 ноябрь куни Термиз тумани Наврўз маҳалласида яшовчи, Р.Зилола туман ИИБга ариза билан мурожаат қилган.
У ўз мурожаатида жорий 17 октябр куни, уйидан нархи 3 миллион сўм бўлган “Royson” русумли музлаткичини номаълум шахслар ўғирлаб кетганини билдирган.
Ички ишлар органлари ходимлари томонидан кўрилган чоралар натижасида, ушбу ўғриликни, Термиз туманида яшовчи Ж.Шавкат ва турмуш ўртоғи, В.Санобар содир этгани аниқланиб, ушланган ва улардан ашёвий далил олинган.
Қайд этилишича, жорий йил 5 ноябрь куни Ж.Шавкат ва В.Санобарга нисбатан Жиноят кодексининг 169-моддаси 2-қисми “в” банди билан жиноят иши қўзғатилган.
