Тегишли қарорлар билан Навоий ва Бухоро вилояти ҳокимликлари тузилмасида янги тайинловлар амалга оширилди.
Навоий вилояти ҳокимининг қарори билан Мамадиёрова Малика Тожиевна вилоят ҳокимининг ўринбосари – оила ва хотин-қизлар бошқармаси бошлиғи вазифасини бажарувчи этиб тайинланди.
![](https://storage.kun.uz/source/8/_X-zslN5CCovHLTRnalkUOIMKThcpnyd.jpg)
М. Мамадиёрова ушбу тайинловга қадар Навоий вилояти Маҳалла ва оилани қўллаб-қувватлаш бошқармаси бошлиғининг биринчи ўринбосари вазифасида ишлаб келаётган эди.
Бухоро вилоят ҳокимининг қарори билан Ибрагимова Фируза Баҳодирхоновна вилоят ҳокимининг ўринбосари – оила ва хотин-қизлар бошқармаси бошлиғи вазифасини бажарувчи этиб тайинланди.
![](https://storage.kun.uz/source/8/wEx5PkGCdNLL3oBWb9-8yDcVVVjf4Uww.jpg)
Ф.Ибрагимова 1970 йил Бухоро шаҳрида туғилган. 1992 йилда Бухоро давлат педагогика институтини тугатган. У тайинловга қадар вилоят Маҳалла ва оилани қўллаб-қувватлаш бошқармаси бошлиғининг биринчи ўринбосари вазифасида ишлаб келаётганди.