Херсонга юриш қилаётган украин ҳарбийлари, Зеленскийга «берилган» «Оскар». Уруш суратлари

Урушнинг 259-кунидан асосий маълумотлар:

РФ мудофаа вазири Сергей Шойгу қўшинларни Херсондан олиб кетишни буюрди, россияликларнинг бўлинмалари Днепрнинг чап соҳилига ўтмоқда.
Аммо Украина Россия Херсонни жангсиз ташлаб кетишига ишонқирамаяпти.
Бу воқеалардан бир неча соат олдин Херсон областининг қўғирчоқ ҳукумати регионнинг аннексия қилинган қисми раҳбари ўринбосари Кирилл Стремоусов ЙТҲ оқибатида вафот этганини хабар қилди.
РФ президенти матбуот котиби Дмитрий Песков аннексия қилинган Луҳанскка келди - маҳаллий ОАВ вакиллари билан Кремлнинг «тажрибалари»ни бўлишиш учун.
Володимир Зеленский Россия билан музокаралар учун беш шартни илгари сурди: улар орасида — уруш туфайли етказилган барча зарарни қоплаш ва босқин такрорланмаслиги учун кафолат. Аммо Украина президенти аввалгидан фарқли равишда Владимир Путин билан музокаралар ўтказиш имконсиз эканини айтиб ўтмади.
Буюк Британия Украинага яна 1000 та «ер-ҳаво» синфидаги ракеталарни етказиб беради.
Германия ҳам украинлар учун навбатдаги ҳарбий ёрдам пакетини эълон қилди. Бу 30 та зирҳли машиналарни, шунингдек разведкачи дронлар, ҳарбий шатакчилар ва аввал етказиб берилган зенит-ракета комплекслари учун ўқ-дорилар.

Қуйида 9 ноябр куни Украинанинг турли ҳудудларида олинган суратлар.

Украинларнинг Херсон областидаги юриши