Бунёдкор шоҳкўчасида 3 та автомобил тўқнашди

Фото: Тошкент шаҳар ИИББ ЙҲХБ ахборот хизмати

Чилонзор тумани Бунёдкор шоҳкўчаси “Новза” жоме масжиди қаршисида учта машина иштирокида йўл-транспорт ҳодисаси содир бўлди.

2022 йил 14 декабрь куни соат 15:00 ларда Чилонзор тумани Бунёдкор шоҳкўчасида йўл-транспорт ҳодисаси юз берди. Бу ҳақда Тошкент шаҳар ИИББ ЙҲХБ ахборот хизмати хабар қиляпти.

Ҳайдовчилар: 2003 йилда туғилган Ш.С. бошқарувидаги Nexia-3 транспорт воситаси, 1972 йилда туғилган Ш.Х. бошқарувидаги Lacetti транспорт воситаси ва 1990 йилда туғилган Ж.Х. бошқарувидаги Labo транспорт воситалари иштирокида йўл-транспорт ҳодисаси қайд этилди.

Йўл-транспорт ҳодисаси натижасида Lacetti транспорт воситаси ҳайдовчиси Ш.Х. тан жароҳати олган.

Ҳолат юзасидан Тошкент шаҳар ИИББ ЙҲХБ томонидан суриштирув ишлари амалга оширилмоқда.