Чилонзор туманида 3 та машина иштирокида йўл-транспорт ҳодисаси содир бўлди.
Жорий йилнинг 29 июль куни соат 23:30 ларда Чилонзор тумани Бунёдкор шоҳкўчасида йўл-транспорт ҳодисаси қайд этилган.
Тошкент шаҳар ИИББ Йўл ҳаракати хавфсизлиги бошқармаси хабарига кўра, 1995 йилда туғилган С.С. бошқарувида бўлган Lacetti русумли автомашина, 1990 йилда туғилган Н.Ш. бошқарувида бўлган Lacetti русумли автомашина ва 2000 йилда туғилган В.Н. бошқарувида бўлган Cobalt русумли автомашина иштирокида йўл-транспорт ҳодисаси кузатилган.
ЙТҲ натижасида Lacetti русумли автомашина ҳайдовчиси ва 3 нафар йўловчилари турли даражадаги тан жароҳати билан шифохонага ётқизилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
