Андижонда газ «заправкалари» иш вақти чекланди

4 декабрдан бошлаб, уларнинг иш вақти эрталаб соат 6:00 дан 15:00 га қадар белгиланди.

Фото: Kun.uz

Андижон вилоятида автомобилларга газ тўлдириш компрессор шохобчалари иш вақти чекланди. Бу ҳақда вилоят ҳокимлиги хабар берди.

«Ҳаво ҳароратининг кескин совиб кетиши туфайли табиий газни биринчи навбатда аҳоли хонадонлари, электр энергияси ишлаб чиқарувчи корхоналар ҳамда ижтимоий соҳа объектлари (мактаб, боғча, шифохона ва бошқаларга) етказиб бериш чоралари кўрилмоқда», дейилади хабарда.

Шу сабабли, вилоятдаги автомобилларга газ тўлдириш компрессор шохобчаларига табиий газни етказиб бериш 4 декабрдан эрталаб соат 6:00 дан 15:00 га қадар белгиланди.