Ғазода ҳалок бўлганлар сони 38 мингдан ошди

Жароҳатланганлар сони 88 мингга яқинлашди.

Фото: AP

Исроилнинг ҳужумлари натижасида Ғазода ҳалок бўлганлар сони 38 098 кишига етди. Бу ҳақда Ғазо соғлиқни сақлаш вазирлиги хабар берди.

Таъкидланишича, сўнгги 24 соат ичида Ғазо бўлгасида қурбонлар сони 29 кишига ортган.

Уруш бошланган вақтдан бери Ғазода жароҳатланганлар сони эса 87 705 кишига етган.

Баъзи жароҳатланганлар ҳамон вайронлар остида ёки етиб бориш мушкул бўлган ҳудудларда қолиб кетмоқда, шу сабабдан тез ёрдам ва фуқаролик мудофаа гуруҳлари уларнинг ёнига етиб бора олмаяпти, дейилади Ғазо ССВ хабарида.

Исроилнинг Ғазодаги уруши 2023 йил 7 октябрида ҲАМАС томонидан Исроил ҳудудига ҳужум қилинишига жавобан бошланганди. Ўшанда 1,2 мингдан ортиқ исроилликлар ҳалок бўлган, уларнинг аксар қисмини тинч аҳоли вакиллари ташкил этганди, бундан ташқари 253 киши гаровга олинганди.

Исроил армияси Ғазога бостириб кириши ва авиазарбалар оқибатида секторнинг катта қисми вайронага айланган.

#Исроил #Ғазо #Ҳамас

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.