«Америкада Google, Amazon’да ҳам ишлаганман»
Мен – Канат Бектемиров. Ўзбекистонда туғилиб ўсганман, Нукусда кейин Тошкентда яшаганман. Америкада 10-12 синфларини ўқиганман, Aрканзас штатида. Aрканзас университетида (University of Arkansas) компютер илми йўналишда ўқиганман. Ўқиш пайтларида Америкада катта Big Tech компаниялари – Google, Amazon’да ҳам ишлаганман, асосий офисларида.
Университетдан кейин дўстларим билан ўзимизнинг «Humanlink» деган стартап компаниясига асос солдик. Бу маркетплейс эди. Ўзбекистонда фарзандлар ота-онаси билан яшашади, Америкада ундай эмас. 18 ёшдан кейин мустақил чиқиб кетади, ота-онаси эса ёлғиз қолади. Шуларга қарайдиган одам топиб берадиган онлайн маркетплейс эди. Унчалик яхши юрмади, 1,5-2 йилдан кейин ёпдик.
200 млн долларга сотилган стартап тарихи
2016 йиллар эди. Бир ўртоғим «CaseStack» деган компанияни йўлга қўяётганди, мени ҳам чақирди. Шу билан 2 йилча юрдик, компания ичида ўзимизнинг R&D (Research and Development) департаментимиз бўлган, Software программаларни ишлаб кўрганмиз. Кейин «CaseStack»дан ўзимиз алоҳида чиқиб кетдик. 2018 йилларда ҳамма ишни нолдан бошлаб 15 млн доллар пул топдик, «fundrising» қилдик. «SupplyPike» тарихи шундан бошланган. Унда менинг вазифам – Chief Technology Officer (CTO), бу техник директор. 1 ой олдин бизни SPS Commerce деган компания $200 млн долларга сотиб олди. Катта компания сотиб олгани билан ўзимиз алоҳида ишлаяпмиз.
«Компаниянинг 4 асосий одамидан бириман»
2018 йилдан бошласак, компания очилган пайтдан бери унда ишлайман, ҳуқуқий нуқтайи назардан асосчи эмасман. Компанияда ҳозир 130 одам ишлайди. Мутахассислик бўйича software инженериман (программист), шундан бошлаб бир-иккита маҳсулотлар чиқардик. Кейин компанияда 40-50 киши бўлганида стратегик масалалар бўйича бош директор бўлганман. Қўлимда 10-15 нафар одам ишларди. 3 йил олдин техник бўлимнинг асосий директори бўлдим – қўлимда 40 тача мутахассис ишлайди. Ўзи 4 та асосий одам бор – асосчи (СEО), техник директор, молиявий директор, ва COO.
Стартап қандай ишлаган?
Америкада таъминот занжирлари (supply chain) деб аталувчи жуда катта супермаркетлар ва ритейлерлар (чакана сотувчилар) бор. Ечилиши лозим бўлган муаммо шундаки, Walmart, Amazon каби йирик компанияларда турли қоидалар бўлиб, уларга маҳсулот етказиб берувчи таъминотчилар бор. Дейлик, бу катта компанияларнинг омборларида маълум миқдорда товарлар қолиб кетади. Улар омборларда қолиб кетган товарларни ўз вақтида етказиб беришни хоҳлашади. Маҳсулотлар омборлардан дўконга етказиб берилганда каттароқ муаммо юзага келиши мумкин, супермаркет ишлаб чиқарувчига бунинг учун пул тўламайди ёки жарима тўлови бериши мумкин.
