Сурхондарё вилоятига янги прокурор тайинланди

Бош прокуратура бошқарма бошлиғи лавозимида ишлаб келган адлия катта маслаҳатчиси Бахтиёр Бобожонов Сурхондарё вилояти прокурори этиб тайинланди.

Бахтиёр Бобожонов / Фото: Бош прокуратура

Бош прокурорнинг буйруғига асосан, адлия катта маслаҳатчиси Бахтиёр Бекович Бобожонов Сурхондарё вилояти прокурори этиб тайинланди. Бу ҳақда Бош прокуратура матбуот хизмати хабар берди.

Бобожонов тайинловга қадар Бош прокуратура бошқарма бошлиғи лавозимида ишлаган.

Куни кеча Бош прокуратурадаги яна бир бошқарма бошлиғи Муродулло Абдуҳакимов Андижон вилояти прокурори лавозимига тайинланган эди.