Саудия Арабистонида оғир касалликка чалинган ўзбекистонлик ватанга қайтарилди

Бош консулхона саъй-ҳаракатлари билан Саудия Арабистонининг Макка шаҳрида инсулт касаллигини бошидан ўтказган ўзбекистонлик ватанга қайтарилди.

Бош консулхона маълумотига кўра, Умра амалларини адо этиш мақсадида Саудия Арабистонига борган фуқаро Б.М. инсултга чалингани сабабли King Abdulaziz Hospital касалхонасига даволаш мақсадида ётқизилган.

Бош консулхона қилинган мурожаат асосида беморнинг Ўзбекистонга қайтиши билан боғлиқ барча ҳужжатларини расмийлаштиришда амалий ёрдам кўрсатилган.

Фуқаро 27 феврал куни Ўзбекистонга қайтиб келган ва у даволанишни Тошкентда давом эттирмоқда.

Аввалроқ Таиландда оғир тан жароҳати олган Ўзбекистон фуқароси ватанга қайтарилгани тўғрисида хабар берилганди. Ушбу фуқаро Паттаяда меҳмонхонанинг 6-қаватидан тушиб кетиб, оғир жароҳат олган. Тиббиёт муассасасида даволаниш давомида у 352 минг бат қарздор бўлиб қолган эди.