Ўзбекистон Малайзия билан жиноий ишлар бўйича ҳуқуқий ҳамкорлик қилади

Малайзия билан жиноий ишлар бўйича ўзаро ҳуқуқий ҳамкорлик қилинади, деб хабар бермоқда Адлия вазирлиги.

Фото: ЎзА

Унга кўра, президент томонидан имзоланган қонун билан Ўзбекистон ҳукумати билан Малайзия ҳукумати ўртасида жиноий ишлар бўйича ўзаро ҳуқуқий ёрдам тўғрисидаги шартнома (Тошкент, 2023 йил 8 июн) ратификация қилинди.

Бундан олдин Малайзия компанияси Ўзбекистонда электр скутерлар ишлаб чиқариши мумкин экани хабар берилганди.

Ўзбекистоннинг Малайзиядаги элчиси Каромиддин Гадоев Pro Events and Marketing Sdn Bhd компаниясининг бошқарув директори Элайне Тхам билан учрашув ўтказди.

Малайзия томони Ўзбекистонда электр скутерлар (3 ва 4 ғилдиракли ихчам электромобил) ишлаб чиқариш лойиҳасини амалга ошириш имкониятларини кўриб чиқаётганини маълум қилди.