Трамп Мирзиёевни Наврўз байрами билан табриклади

АҚШ президенти Доналд Трамп Ўзбекистон етакчиси Шавкат Мирзиёевни Наврўз байрами билан табриклади.

«Америка Қўшма Штатлари ҳалқи номидан Сизни ва бутун Ўзбекистон ҳалқини ажойиб Наврўз айёми билан табриклайман. Бу барча учун тинчлик, фаровонлик ва янгиланиш байрамидир», дейилади табрик мактубида.

АҚШ етакчиси мамлакатлар ўртасида мустаҳкам ришталар ўрнатилаётганлигини юксак қадрлашини, Мирзиёевнинг изчил ислоҳотлар дастурини олқишлашини таъкидлади.

«Савдо алоқаларимизни кенгайтириш ва замонамизнинг энг йирик муаммоларини ҳал этиш йўлида ҳамкорлик қилишни интиқлик билан кутаман. Буюк давлатларимиз равнақ сари интилаётган бир пайтда, Америка Қўшма Штатлари Ўзбекистоннинг суверенитети, мустақиллиги ва ҳудудий яхлитлигини доимо қўллаб-қувватлашга содиқ бўлиб қолади. Наврўз муборак!», дейилади мактубда.