Тошкент вилояти Пискент туманидаги автомобил лабораториясига навбатлар узайиб бормоқда.
Лабораториянинг қуввати мавжуд талабдан бир неча баробарга камлиги сабаб, шундай бўлиши аввалдан маълум эди.
Импорт қилинган автомобиллар 2024 йил 1 ноябрдан бери божхона ҳудудида эмас, Пискентдаги автополигонда техник синовлардан ўтказилмоқда. Бу ерда импорт автомобиллар учун электромагнит мослашувчанлик текшируви ҳам жорий этилган.
Лабораторияга навбатлар ноябр ойидаёқ юзага келган ва эътирозларга сабаб бўла бошлаганди. Натижада расмийлар навбат олишни электрон шаклга ўтказди, аммо ҳаммага кўриниб турган ва танқидларга сабаб бўлаётган навбатларни кўздан панадаги божхона омборларига кўчириш ҳам етарли самара бермаган кўринади.
26 март куни Теlegram'даги “РАСТАМОЖКА” канали Пискент полигонидаги навбатлар ажиотажга айланганини ёзди. “Навбат олиш соат 00:00 да очилиб, 1-2 дақиқага бормасдан тугаб қолар экан”, деган канал муаллифи бу ҳолатни Cobalt учун онлайн шартнома олишдаги ажиотажга ўхшатди.
“Бир автомашина эгаси 10 апрел кунига навбат олганига дўпписини осмонга отиб хурсанд... Шунча кутганига 10 млн сўм харажат хам қилиб беради. Агар майгача сертификат ололмай қолса, яна 2500 доллар қўшимча харажат хам қилади.
Автомонополлар ниятига етди деб ҳисобласак ҳам бўлади. Бунда Техник жиҳатдан тартибга солиш агентлигининг ўрни беқиёс”, – деб ёзган муаллиф.
Autodeklarant каналининг ёзишича, 27 март куни ҳолатига 12 апрелгача бўлган навбатлар тўлиб бўлган. Кечки 00:00 дан очилган навбатлар 20 секундда тугаб кетган.
“
