Ҳимояланаётган Украина ғалаба қозонадиган ҳолатда эмас - Трамп

АҚШ президенти Доналд Трамп мудофаа позициясида турган Украина Россия билан урушда ғалаба қозонадиган ҳолатда эмаслигини айтди.

У бугунги вазиятга “Украинага фақат ҳимояланишни, ҳужумга ўтмаслик”ни буюрган Жо Байден маъмурияти сабабчилигини айтди.

Трампнинг фикрича, "бостириб кирган давлатга қарши ҳужумга ўтмасдан туриб, ғалабага эришиш жуда қийин”.

"Ғалаба қозонишнинг имкони йўқ", - деб ёзди у Truth Social тармоғида.

Америка етакчиси Киевни “фақат ҳимояланишга рухсат берилган, ҳужумга ўтиш тақиқланган” спорт жамоасига ўхшатди.