Kun.uz'да чиққан 80 ёшли боғбон ҳам давлат мукофоти билан тақдирланди

Фото: Kun.uz

Фарғоналик боғбон Ҳабибидин Исмоилов Ўзбекистон мустақиллигининг 34 йиллиги арафасида давлат раҳбари томонидан “Дўстлик” ордени билан тақдирланди.

80 ёшли Ҳабибиддин ота аввалроқ Kun.uz'нинг “Ҳаётий ҳикоялар” рукни қаҳрамонларидан бири бўлганди.

Ушбу рукнда эълон қилган материалимизда айтганимиздек, Ҳабибиддин ота Фарғона туманининг Оқбилол қишлоғида яшайди. 3 гектар майдонда узумбоғ яратган. Қолаверса, анчагина қўйлари ҳам бор, қирликда ҳар куни уларни ўзи боқади.

Президент Шавкат Мирзиёевнинг ушбу фармони билан, шунингдек, Kun.uz'нинг “Ҳаётий ҳикоялар” рукни бошқа бир қаҳрамони – олтиариқлик Зуҳрахон Орипова “Жасорат” медали билан тақдирланди.

Тайёрлаган: Комрон Чегабоев

#Дўстлик ордени #Фарғона тумани #ҳаётий ҳикоя