Буюк Британия Полшага Typhoon қирувчиларини юборади

Россиянинг учувчисиз учоқлари Полша ҳаво ҳудудига бостириб кирганидан сўнг Британиянинг Typhoon қирувчи самолётлари НАТОнинг «Шарқий қўриқчи» операциясида иштирок этиш учун мамлакатга юборилади.

Фото: Буюк Британия Мудофаа вазирлиги

Буюк Британия қироллик ҳаво кучларининг Typhoon қирувчи самолётлари НАТОнинг «Шарқий қўриқчи» операцияси доирасида Полша ҳаво ҳудудини ҳимоя қилиш миссиясида иштирок этади. Уларнинг вазифаси Россия ҳаво таҳдидларига, шу жумладан УУАга қарши туришдир. Бу ҳақда Буюк Британия ҳукуматининг 15 сентябр, душанба куни чоп этилган пресс-релизида айтилган.

Британия ҳарбий-ҳаво кучлари НАТОнинг шарқий қанотини мустаҳкамлашда бошқа давлатлар, жумладан Германия, Дания ва Франция кучларини бирлаштиради, дейилади баёнотда. Бу ҳақда «Россия учувчисиз учоқларининг Полша суверен ҳаво ҳудудига эҳтиётсиз ва хавфли бостириб кириши – НАТО ҳаво ҳудудини шу кунгача энг жиддий бузилиши – ва шу дам олиш кунларида (13 сентябр) Россия учувчисиз учоқларининг Руминия ҳаво ҳудудини бузиши»дан бир неча кун ўтиб эълон қилинди.

Британия қирувчи самолётлари Линколнширдаги Конингсби базасида жойлаштирилади. Улар яқин кунларда Полша устидан уча бошлайди. Уларга Оксфордширдаги Брайз-Нортон авиабазасидан Voyager ёнилғи тўлдириш самолётлари ёрдам беради.