Зеленский Трампни Россияга нисбатан «аниқ позицияни эгаллашга» чақирди

Трамп билан эҳтимолий учрашув олдидан Украина президенти уни хавфсизлик кафолатлари ва Россияга қарши санкциялар бўйича аниқ позицияни эгаллашга ундади.

Фото: Aaron Schwartz - Pool via CNP/Keystone Press Agency/Global Look Press

АҚШ президенти Доналд Трамп келаси ҳафта Ню-Йоркда Украина етакчиси Володимир Зеленский билан учрашиши мумкин. Бу ҳақда Тел-Авивда АҚШ давлат котиби Марко Рубио маълум қилди.

22-30 сентябр кунлари Ню-Йоркда БМТ Бош ассамблеясининг 80-сессиясининг юқори даражадаги ҳафталиги бўлиб ўтади.

«У (Трамп) урушни тугатиш учун қўлидан келган барча ишни қилишга уринмоқда», — деди Рубио.

«Президент (Россия президенти Владимир) Путинга бир неча марта қўнғироқ қилди, Зеленский билан бир неча бор учрашди, жумладан, эҳтимол, яна келаси ҳафта Ню-Йоркда учрашади», — дея қўшимча қилди Америка дипломатияси раҳбари.

Украина томони ҳозирча бундай учрашув ўтказиш имкониятини тасдиқлагани йўқ.

Тайёрлаган: Отабек Матназаров

#Россия #Доналд Трамп #Володимир Зеленский