Айрим озиқ-овқат маҳсулотларини божсиз олиб чиқиш меъёрлари эълон қилинди

Қонунчиликка мувофиқ, жисмоний шахслар томонидан Ўзбекистондан айрим турдаги озиқ-овқат маҳсулотларини бож тўламасдан олиб чиқиш учун аниқ миқдорий меъёрлар ўрнатилган.

Фото: ЎзА

Ўзбекистон қонунчилигига кўра, жисмоний шахслар томонидан айрим турдаги товарларни республика ҳудудидан бож тўламасдан олиб чиқиш қуйидаги миқдорларда амалга оширилиши мумкин:

гуруч – 3 килограммгача;
нон-булка маҳсулотлари – 5 килограммгача;
гўшт ва гўшт озиқ-овқат маҳсулотлари – 2 килограммгача;
шакар – 2 килограммгача;
ўсимлик ёғи – 2 килограммгача;
янги узилган мева-сабзавот маҳсулотлари, узум, полиз экинлари, дуккакли ўсимликлар ҳамда қуритилган сабзавот ва мевалар – 40 килограммгача.

Маълумот учун, кўрсатилган меъёрлардан ортиқ миқдорда товарлар олиб чиқиш божхона қонунчилигига мувофиқ тартибда расмийлаштирилиши лозим.

Тайёрлаган: Отабек Матназаров

#озиқ-овқат #бож