1 мартдан газ нархлари оширилгани йўқ — Энергетика вазирлиги

Энергетика вазирлиги Ўзбекистонда 1 мартдан газ нархи оширилгани ҳақида ижтимоий тармоқларда тарқалган хабарларни рад этди.

Вазирликнинг билдиришича, тўловлар эски тарифда амалга оширилади, бироқ 1 мартдан бошлаб қиш мавсумида белгиланган ижтимоий меъёр ўзгарди.

Аввалроқ иситиш мавсумида газ бўйича базавий меъёр 5 баробарга - 100 куб метрдан 500 куб метрга оширилганди. Хусусан, ноябр-феврал ойларида ҳар бир ой учун 500 куб метргача, март-октябр ойларида эса ҳар ой учун 100 куб метргача “базавий меъёр” белгиланганди. Бу тартиб Қорақалпоғистон Республикаси ва Хоразм вилоятида октябр-феврал ойларида амал қилади.

Шу сабабли 2026 йил 1 мартдан 31 октябрга қадар ҳар ой учун 100 куб метргача “базавий меъёр” амал қилади.