Эрон президенти уруш бошланганидан буён илк бор миллатга мурожаат қилди

“Душманларимизнинг базалари ва имкониятларини йўқ қилган ҳолда уларни умидсизликка туширамиз. Душманларимиз режалари қаршисида бирлашишимиз керак”, деди у.

Фото: WANA / Reuters

“Муваққат кенгаш ўз ишини бошлади ва қатъият билан азиз имомимиз Хоминаий йўлидан боришда давом этади”, деди Эрон президенти Масъуд Пизишкиён мамлакат телерадиокомпанияси орқали миллатга қилган мурожаатида.

У шунингдек, Эрон бу тажовузларни жавобсиз қолдирмаслигини айтди.

Аввалроқ Пизишкиённинг телеграм-каналида унинг баёноти эълон қилинганди.

"Эрон Ислом Республикасининг олий сиёсий етакчиси ва шиа олами етук раҳбарининг ўлдирилиши ёвуз америка-сионист иттифоқининг мусулмонларга, айниқса, бутун дунёдаги шиаларга нисбатан очиқчасига уруш эълон қилиши ҳисобланади", - дейилганди баёнотда.

28 феврал куни Исроил ва АҚШ Эронга зарбалар берганидан сўнг Reuters билан суҳбатлашган исроиллик расмий зарбалар чоғида Эрон олий раҳбари Оятуллоҳ Али Хоминаий ва президент Масъуд Пизишкиён нишонга олинганини айтганди.

Тайёрлаган Дилшодбек Асқаров

#Эрон #Масъуд Пизишкиён

Эрон ядро дастури бўйича музокаралар самарасиз тугаши ортидан, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди. Эроннинг жавоб зарбалари АҚШнинг Яқин Шарқдаги базалари ва Исроил ҳудудларига қаратилди. Минтақадаги қатор шаҳарларда дронлар ёки ракеталар қулаши кузатилди.