АҚШ президенти Эронга курашни давом эттиришдан воз кечишни маслаҳат берди

Оқ уй раҳбари фикрига кўра, Эрон оқ байроқ осиб қўйиши керак.

Фото: Reuters

АҚШ президенти Доналд Трамп Эрон ўз мағлубиятини тан олиши кераклигини айтди.

«Биз эскича ўйнаяпмиз. Эрон оқ байроқ осиб қўйиши керак. Улар жуда мағрур одамлар ва сиз бу байроқни кўрмаслигингиз мумкин, лекин улар ҳақиқатда таслим бўлиш учун оқ байроқ осиб қўйишлари керак», деди Трамп.

Унинг сўзларига кўра, АҚШ собиқ президенти Барак Обама маъмурияти даврида Оқ уй Эронга бўйсунишни афзал кўрган ва унга ўнлаб миллиард доллар берган. Бироқ, Трампнинг таъкидлашича, энди АҚШ бошқача ҳаракат қилмоқда.

Трампнинг тушунтиришича, бу вазифада унинг президентлик фаолияти туфайли кучайган АҚШ Қуролли Кучлари ёрдам бермоқда. Шу билан бирга, Трамп ўзининг иккинчи президентлик муддати давомида АҚШ Қуролли Кучларидан бунчалик фаол фойдаланиш ҳақида ўйламаганини тан олди ва Эрон билан боғлиқ нишонларга берилган зарбалар уни қувонтирмаслигига ишонтирди.

Тайёрлаган Сардор Юсупов

#АҚШ #Эрон #Доналд Трамп

Эрон ядро дастури бўйича музокаралар расман тугамай туриб, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди.