Абрамович Киевда Зеленский билан учрашган – украиналик депутат

Россиялик бизнесмен, миллиардер Роман Абрамович Киевда Украина президенти Володимир Зеленский билан учрашув ўтказди, деб маълум қилди Олий рада депутати Алексей Гончаренко ўз Telegram-каналида.

«Мендаги маълумотга кўра, ҳақиқатан ҳам шундай учрашув бўлиб ўтган ва гап Роман Абрамович ҳақида бормоқда. У Киевга президент билан учрашиш ва президентдан Владимир Путинга хабар етказиш учун келган», — деб ёзди у.

Аввалроқ Путин Зеленский Киевда россиялик бизнесмен билан учрашганини айтганди. Россия президентининг сўзларига кўра, бизнесмен Зеленский уни Киевга таклиф қилганини айтган.

«Бизнесмен Киевдан қайтди. Мен у билан учрашдим. Жаноб Зеленский унга учрашув ўтказишимиз кераклигини айтган», — деди Путин.

Аввалроқ Зеленский Путинга очиқ мактуб йўллаб, унда Украина Россия учун уруш нархини кескин оширишга қодирлигини айтди ва уни ҳарбий ҳаракатларни тугатиш учун шахсан учрашишга чақирганди.

Путин эса унга жавобан Зеленскийни сайловга боришга чақириб, ҳозирча у билан учрашишдан маъно кўрмаётганини қайд этган.