Foto: Paralimpiyachilarga sovg‘a qilinadigan Malibu avtomobillari o‘z sohiblarini kutmoqda

Rio—2016 Paralimpiadasidan yuksak natijalar bilan qaytib kelgan O‘zbekiston delegatsiyasi vakillariga pul mukofotlaridan tashqari avtomobillar ham sovg‘a qilinadi.

Milliy olimpiya qo‘mitasi matbuot xizmati turnirda sovrindor bo‘lgan sportchilarga beriladigan Malibu avtomobillari suratlarini namoyish qildi.

Eslatib o‘tamiz, Paralimpiya o‘yinlarida 32 nafar sportchi bilan ishtirok etib, 31 ta medalni qo‘lga kiritgan O‘zbekiston terma jamoasi a'zolarini taqdirlash to‘g‘risida qaror e'lon qilingandi.

Unga ko‘ra, oltin medal olgan paralimpiyachilarga 200 ming dollar, kumush medal olgan paralimpiyachilarga 100 ming dollar, bronza medal olgan sportchilarga esa 75 ming dollar miqdoridagi pul mukofotlari tayinlangan.