«O‘zbekiston havo yo‘llari» va «Belavia» aviatashuvchisi o‘zaro kod-sher kelishuvini imzoladi 

«O‘zbekiston havo yo‘llari» Milliy aviakompaniyasi Belarusning «Belavia» aviatashuvchisi bilan havo yo‘llaridan birgalikda foydalanish (kod-shering) to‘g‘risida shartnoma imzoladi. Bu haqda, milliy aviakompaniya matbuot xizmati xabar bermoqda.

Ikkala aviakompaniya yo‘lovchilari «qulay narxlar bo‘yicha sayohat qilish, shuningdek, Minsk orqali tranzit yo‘li orqali Yevropa va MDH davlatlaridagi punktlar, Toshkent orqali esa Markaziy va Sharqiy Osiyo aeroportlariga uchganda, qulay tutash yo‘llardan foydalanish» imkoniyatiga ega bo‘ladi.
Shuni alohida ta'kidlash kerakki, «O‘zbekiston havo yo‘llari» va «Belavia» o‘rtasida interlayn-kelishuv -  elektron chiptalarni o‘zaro tan olish va boshqa qulayliklarni yaratish imkoniyati amal qiladi.