Qishlog‘iga 169 mln. funt meros qoldirgan milliarder haqidagi xabar tasdiqlanmadi

Corona brendi asoschisi Antonino Fernandes Ispaniyadagi o‘zi tug‘ilib o‘sgan Seresales del Kondado qishloq aholisiga 169 million funtni meros qilib qoldirdi. Biroq, keyinroq qishloq fuqarolari bu ma'lumotni inkor etishdi.

The Telegraph xabarida aytilishicha, vasiyatga ko‘ra, qishloqning har bir fuqarosi deyarli ikki million funtdan olishi kerak edi. Brend asoschisining himmati britaniya OAV orasida katta shov-shuvni keltirib chiqardi. 

Ispaniyaning Diario de León nashrining ko‘rsatishicha, Fernandesning merosi haqidagi xabar oktabrda paydo bo‘lgan bo‘lib, Britaniya OAVlari tomonidan noto‘g‘ri talqin qilingan. 

Qishloq fuqarolarining o‘zi esa hech qanday millionlarni olishmagani haqida ma'lum qilishdi. Shu bilan bir qatorda, Corona brendi asoschisi qishloqchada madaniy muassasa va cherkovlar qurib bergan. Shuningdek, tadbirkor qishloqqa iqtisodiyotini qo‘llab-quvvatlash uchun kelib turadigan oila a'zolariga ham mablag‘ qoldirdi.

Ma'lumot uchun, Antonino Fernandes Seresales del Kondadoda 1917 yilda tavallud topgan. 1949 yili Meksikaga ko‘chib ketib, Grupo Modelo pivo ishlab chiqarish zavodida mehnat faoliyatini boshlagan. 1971-1997 yillarda esa u kompaniyaga rahbarlik qilib, Corona pivo brendining ommalashishiga o‘z hissasini qo‘shdi.