BMT: Isroil rekord sondagi falastinliklar uyini buzib tashladi

Isroil 2016 yilda Iordan daryosining G‘arbiy sohilida bosib olgan yerlarida rekord sondagi falastinliklar uyini buzib tashladi. Bu haqda BMTning gumanitar masalalarni muvofiqlashtirish boshqarmasi ma'lum qildi. 

"BMTning gumanitar masalalarni muvofiqlashtirish boshqarmasi tomonidan to‘plangan dastlabki ma'lumotlar tahlili 2016 yil davomida (28 dekabrgacha) Isroil hukumati G‘arbiy sohil, jumladan Sharqiy Quddusdagi falastinliklar tegishli bo‘lgan 1089 inshootni buzib tashlagan yoki bosib olgan, buning oqibatida 1593 falastinlik boshqa joyga ko‘chib o‘tishga majbur bo‘lgan", deyildi hisobotda. Boshqarmada buzilgan uylar va boshpanasiz qolgan odamlar soni BMT bunday statistikani olib borishni boshlagan 2009 yildan beri rekord sonda bo‘lgani ma'lum qilindi.