19:18 / 02.01.2017
9830

Turkiya politsiyasi Istanbul terakti ijrochisini topa olmayapti

Foto: AFP

Turkiyada Istanbul teraktiga aloqadorlikda gumonlanib qo‘lga olinganlar tergov qilinganida, ular orasida tungi klubga hujum qilgan shaxs yo‘qligi oydinlashdi. Bu haqda Associated Press xabar tarqatdi.

Qayd etilishicha, qo‘lga olingan 8 kishi bosh boshqarmaga olib borilib, so‘roq qilingan.

1 yanvarga o‘tar kechasi Istanbulning Yevropadagi qismida joylashgan Reina nomli tungi klubiga Kalashnikov avtomati bilan qurollangan shaxs bayramga yig‘ilgan kishilarni o‘qqa tutdi. Natijada 39 kishi halok bo‘ldi va 69 kishi jarohatlandi. Qurbonlarning 24 nafari xorijlik edi.

Avvaliga terrorchi politsiya tomonidan yo‘q qilingani aytildi. Ammo bu ma'lumot tasdiqlanmadi. Hozir u qidiruvda.

IShID ushbu terakt uchun javobgarlikni o‘z zimmasiga oldi.

Foto: Politsiya Istanbuldagi terakt ijrochisi Qirg‘iziston yoki O‘zbekiston fuqarosi bo‘lganini gumon qilmoqda

Top