Ispaniyada qizlar jamoasi 13ta o‘g‘il bolalar jamoasi orasida chempion bo‘ldi

Ispaniyada doimiy tarzda o‘tkaziladigan yoshlar musobaqasidan birida o‘ziga xos natija qayd etildi.

14 jamoa qatnashgan musobaqada qatnashgan jamoalardan biri qizlar jamoasi edi. Oxir-oqibat 13ta o‘g‘il bolalar jamoasidan ustun kelgan shu jamoa chempion bo‘ldi. Jamoaning 13 yoshli hujumchisi va sardori Andrea Gomesh esa turnir to‘purariga aylandi. Bu haqda The New York Times reportajida yozilgan.

«Men doim futbol faqat o‘g‘il bolalar uchun emasligini isbotlashni xohlaganman. Agar senda texnika yaxshi bo‘lsa, qiz bola bo‘lsang ham futbol o‘ynashing mumkin», deydi Andrea.

«AYeM Lleida» jamoasi murabbiyning aytishicha, uning shogirdlari qizlar o‘rtasidagi musobaqalarda katta farq bilan g‘alaba qozonaverishganidan keyin o‘g‘il bolalar bilan o‘ynashga qaror qilgan.

«Bu ishga jamoaning o‘sishi uchun qo‘l urilgan», deydi murabbiy.

Musobaqaning eng yaxshi futbolchisi deb topilgan Andrea kelajakda ayollar futboli rivojlangan joylarda futbol o‘ynamoqchi ekanini va bu boradagi eng qulay joy AQSh ekanini ta'kidlagan.