Putin AQSh va Rossiya o‘rtasida qurollanish poygasi nega boshlanganini aytdi

Rossiya prezidenti Vladimir Putin AQSh va Rossiya o‘rtasida yangi qurollanish poygasi nega boshlanganini aytib o‘tdi. 

Uning NBC’ga intervyuda ma'lum qilishicha, bu Vashingtonning raketalarga qarshi mudofaa haqidagi kelishuvdan chiqishi tufayli yuz berdi.

«Agarda siz qurollanish poygasi haqida gapirayotgan bo‘lsangiz, unda u AQSh raketalarga qarshi mudofaa bo‘yicha kelishuvdan chiqqani tufayli boshlandi», - deya ma'lum qilgan Putin.

Shu bilan birga, Rossiya yetakchisining qo‘shimcha qilishicha, sovuq urush haqidagi gapirayotgan odamlar ekspertlar emas, balki targ‘ibotchilardir.

«Mening fikrimcha, yangi sovuq urush boshlangani haqida ma'lum qilayotganlar, tahlilchilar emas – ular targ‘ibot bilan shug‘ullanishmoqda», - deya qo‘shimcha qildi u.