Yuksak maqsadlar sari intilgan “Ijod Press” istiqbolli manzillar sari odimlamoqda

Yer yuzida milliardlab odamlar bo‘lsa, demak ana shuncha taqdirlar degani. Taqdirda neki musibat-u neki shodlik bo‘lsa, hammasini ko‘rasiz, hayotingizga qabul qilasiz. Eng ahamiyatli jihati taqdirlardagi manzillar barchani bir nuqtada birlashtiradi. Bugun biz ana shunday manzilda bo‘ldik va u yerdagilar bilan suhbatlashdik. 

{Yii::t(}

O'tkazib yuborish 6s

O'tkazib yuborish

“Ijod Press” bugungi kunda eng ilg‘or va sifatli nashriyotlardan biri. Aytish kerakki, bugun bu yerda ko‘plab o‘zbek va xorij yozuvchilarining badiiy asar hamda tarjimalari, bolalar uchun adabiyotlar, ommabop qo‘llanmalar, lug‘atlar va turli o‘quv mahsulotlari nashrga tayyorlanib, zamonaviy texnologiyaga asoslangan o‘z bosmaxonasida ishlab chiqarilmoqda. Bu manzilda ko‘zi ojiz bo‘lgan yurtdoshlarimizning mehnat qilishi e'tiborimiz markazida bo‘ldi.

Mazkur nashriyotga ayni kunda Sherzodjon Hoshimov rahbarlik qilib  kelmoqda. Nashriyot ishlari bilan tanishar ekanmiz u kishi bir fikr aytdi. “Nashriyotlar bugungi kunda avtomatlashgan bosqichga o‘tgan. Biroq biz bunday qilmadik. Ko‘zi ojiz yurtdoshlarimizning ish o‘rinlarini saqlab qolish, ular bilan yelkama yelka turib ishlash muhim”, dedi.  

- 2004 yil mazkur nashriyot ishini boshlaganmiz. Boshlanishida ko‘zi ojizlar qiynalmasligi uchun oddiy ishlardan boshlaganmiz. Keyinchalik faoliyatimizni kengaytirib, kitob nashr qilish ishini yo‘lga qo‘ydik. Ayni damda nashriyotda 15 nafar ko‘zi ojiz xodim ishlamoqda, - deydi bosmaxona rahbari Bahrom Xasanov.

Biz Nashriyotdagi xodimlar bilan kichik suhbat qurdik.

- Bu yerga 2017 yil sentabr oyida ishga kelganman, - deydi Zaynab Mashrapova. – Bu yerning sharoitlari yaxshi. Bu yerda muqovachi bo‘lib ishlayman. O‘z ishimni astoydil qilish uchun harakat qilyapman. Orzularim ko‘p. O‘zim ham bo‘sh vaqtimda ijod qilib turaman va niyatim mana shu yozganlarimni kitob qilib chiqarish.

Hozirgi kunda bosmaxonada yuqori sifatli kitob, etiketka, qadoqlash qutilari va boshqa rangli bosma mahsulotlar ishlab chiqarishga ixtisoslashgan yangi, zamonaviy texnologik uskunalarni sotib olish uchun bankdan uzoq muddatli kredit mablag‘i olinmoqda. Bu bilan kamida 30 nafar nogironligi bor shaxs uchun yana yangi ish o‘rinlari yaratiladi.

Bugungi kunda nogironligi mavjud shaxslarni ish bilan ta'minlash, aholiga arzon, mazmunli va bejirim kitoblar yetkazib, ma'rifiy ziyo tarqatish “Dizayn-print” o‘quv-ishlab chiqarish korxonasini mehnat jamoasining ezgu shioridir.