Shvetsiyalik mutaxassis Sven-Yoran Eriksson Filippin terma jamoasi bosh murabbiyi qilib tayinlandi.
Mutaxassis mamlakat futbol federatsiyasi bilan 6 oylik shartnoma imzoladi. U terma jamoani Osiyo Kubogi 2019ga olib boradi. Shu paytgacha Filippinni vaqtinchalik boshqarib kelgan Skott Kuper unga yordamchilik qiladi.
Eslatib o‘tamiz, Erikssonning so‘nggi ish joyi Xitoy 1-ligasi vakili «Shenjyen» klubi bo‘lgan edi.
Filippin terma jamoasi Osiyo Kubogi guruh bosqichida Qirg‘iziston, Janubiy Koreya va Xitoy bilan bellashadi.
