Bugungi kunda kitobxonlik haqida ko‘p gapirilmoqda. 19 mart kuni bo‘lib o‘tgan videoselektor majlisida Prezident Shavkat Mirziyoyev aholi, ayniqsa, yoshlar ma'naviyatini yuksaltirish masalasiga to‘xtalib, «Har bir rahbar o‘zining shaxsiy kutubxonasidan o‘zi ta'lim olgan maktab kutubxonasiga kitoblar sovg‘a qilsa, bu yaxshi tashabbus bo‘lib kitobxonlikni rivojlantirish bilan farzandlarimiz tarbiyasiga ijobiy ta'sir ko‘rsatadi», deb ta'kidlagan edi.
Xushnudbek Xudayberdiyev «Rahbarlarning sevimli kitobi» loyihasi doirasida hukumat vakillari, jamoat arboblari, xorijiy mamlakat elchilari, xalqaro tashkilotlarning O‘zbekistondagi vakillaridan eng sevimli 3ta kitoblarining ro‘yxatini olishga uringan.
U o‘zining telegramdagi kanalida ushbu so‘rovnomaning 1-qismini havola qilgan.
Baxtiyor Mirboboyev – O‘zbekiston Respublikasi Konstitutsiyaviy sudi raisi
Muhammad Ali. «Ulug‘ saltanat» (4 jildi)
Oybek. «Navoiy»
Abdulla Qodiriy. «O‘tkan kunlar»
Ubaydulla Mingboyev – O‘zbekiston Respublikasi sudyalar oliy kengashi raisi
Tohir Malik. «Odamiylik mulki»
Harold Lemb. «Bobur-yo‘lbars»
Alisher Navoiy. Barcha asarlari, lekin ayni birini ko‘rsatish kerak bo‘lsa, unda «Xamsa»
Otabek Murodov – O‘zbekiston Respublikasi Bosh prokurori
Artur Konan Doyl. Sherlok Xolmsga oid asarlari
Djon Perkins. «Iqtisodiy qotilning iqrori» («Confessions of an Economic Hit Man»)
Abdulla Qodiriy. «O‘tkan kunlar»
Shuningdek, Jyek London hamda Eduard Topol asarlarini ham tavsiya qildi.
Komil Allamjonov – Prezident Administratsiyasi huzuridagi Axborot va ommaviy kommunikatsiyalar agentligi direktori
Nikkolo Makiavelli. «Hukmdor»
Amir Temur. «Temur tuzuklari»
Antuan de Sent-Ekzyuperi. «Kichik shahzoda»
