Normativ-huquqiy hujjatlar loyihalari muhokamasi portalida “Maxsus musiqiy texnik uskunalar bilan jihozlangan “Avtoklub” faoliyatini tashkil etish haqida”gi hujjat loyihasi joylashtirildi.
O‘zbekiston Respublikasi Madaniyat vazirligining Andijon va Navoiy viloyatlarida tajriba loyihasi sifatida qo‘llangan maxsus musiqiy texnik uskunalar bilan jihozlangan “Avtoklub”lar tomonidan amalga oshirilgan ishlar to‘g‘risidagi axborot ma'lumot uchun keltirilgan.
O‘zbekiston Respublikasi Madaniyat vazirligi, O‘zbekiston Respublikasi Moliya vazirligi, O‘zbekiston Respublikasi Iqtisodiyot va sanoat vazirligi hamda “O‘zavtosanoat” aksiyadorlik jamiyatining Qoraqalpog‘iston Respublikasi viloyatlar va Toshkent shahrida “Avtoklub” madaniy xizmatlar ko‘rsatishni tashkil etish bo‘yicha taklifiga rozilik berilishi mumkin.
Qoraqalpog‘iston Respublikasi, viloyatlar (Andijon va Navoiy viloyatlaridan tashqari) va Toshkent shahriga 1 donadan Isuzu SAZ NP 26 maxsus musiqiy texnik uskunalar bilan jihozlangan 12 ta “Avtoklub” transport vositalari ajratiladi.
O‘zbekiston Respublikasi Moliya vazirligi maxsus musiqiy texnik uskunalar bilan jihozlangan “Avtoklub” transport vositalarini xarid qilish uchun respublika budjeti hisobidan mablag‘lar ajratilishini ta'minlaydi.
“O‘zavtosanoat” aksiyadorlik jamiyati tarkibiga kiruvchi “Sam Avto” MChJ 12 dona Isuzu SAZ NP 26 rusumli avtobuslarga o‘rnatilgan tartibda shartnoma tuzish va moliyalashtirilgandan so‘ng, ishlab chiqarib yetkazib berishni ta'minlaydi.
Toshkent shahridagi Turin politexnika universiteti Madaniyat vazirligi tomonidan taqdim etilgan texnik topshiriqlar asosida transport vositalarini zamon talablariga mos ravishda jihozlash ishlarini amalga oshiradi.
O‘zbekiston Respublikasi Madaniyat vazirligi:
maxsus texnik uskunalar bilan jihozlangan “Avtoklub” transport vositalarini joylarga yetkazishni ta'minlaydi.
“Avtoklub” faoliyatini tartibga soluvchi nizomni ishlab chiqib tasdiqlaydi hamda o‘rnatilgan tartibda Adliya vazirligidan ro‘yxatdan o‘tkazadi.
