Ishbilarmon, zamon bilan hamnafas insonlar uchun uyning qulay joylashuvi juda muhim rol o‘ynaydi. Hozir yurtimizda ko‘plab turar-joylar barpo etilmoqda. Xaridorlar esa takliflar ichidan eng sarasini tanlashni istaydi.
NRG qurilish kompaniyasi poytaxt markazida qad rostlovchi ilk loyiha – Oybek turar-joy majmuasi sotuvi boshlanganini ma'lum qiladi. NRG kompaniyasi ikki qo‘shni mamlakatlarning yetakchi developerlari – Murad Buildings hamda BI group (Qozog‘iston) tomonidan asos solingan qo‘shma brend bo‘lib, uning dastlabki loyihasi esa O‘zbekistondagi birinchi zamonaviy «aqlli» turar-joy majmuasiga aylanishi kutilmoqda.
NRG Oybek Toshkent shahrining markazi – Oybek va Nukus ko‘chalari kesishmasi yaqinida qurilmoqda. Majmua Toshkentning yangi nafasi bo‘lib, unda yashaydigan bo‘lajak xonadon egalari o‘zlari va oila a'zolari uchun xavfsizlik, qulaylik, farovonlik, xotirjamlik kabi uyg‘un hissiyotlarni tuhfa etishadi.
Xo‘sh, yangi qurilish kompaniyasining NRG Oybek loyihasi sizlarni nimasi bilan hayron qoldirishi mumkin? Keling, majmuaning har bir qulayliklariga atroflicha to‘xtalib o‘tamiz.
Kerakli manzillar – bir qadamda!
Eng avvalo, NRG Oybek turar-joy majmuasining joylashuvini qayd etish joizdir. Bu yerda yashaydigan aholi transport muammolariga duch kelmaydi. Istalgan manzil (maktab, supermarket, kasalxona, dorixona, restoran va h.k.)ga tez va oson yetib olish mumkin: ko‘p sonli avtobuslar qatnovi hamda metro bekatlarining yaqinda joylashuvi uzog‘ingizni yaqin qiladi. Shuningdek, NRG Oybek aeroport va vokzalga ham yaqin yerda joylashgan.
Kalitsiz uyga kirish
Majmuada xonadon egalari uchun yaratilgan dastlabki ilg‘or texnologiyalarni biri – bu uyning kirish eshigini kalitsiz oson ochishdir. Endilikda smartfon yordamida uyga yaqinlashishingiz bilan eshikning o‘zi avtomatik tarzda ochiladi. Avvallari «qo‘lsiz, oyoqsiz eshik ochar» topishmog‘iga javob «shamol» bo‘lgan bo‘lsa, hozirgi zamonaviy davrga kelib bu javobni NRG Oybek eshiklari, deb aytish mumkin.
