Isroil BAAda Eron ortidan kuzatish uchun razvedka bazasi ochmoqchi

O‘zaro munosabatlarni yaxshilashga kelishib olgan Isroil va BAA xavfsizlik sohasida hamkorlikni yo‘lga qo‘yib yubordi va qo‘shma razvedka bazasini tashkil etishga kirishib ketdi. Ta'kidlanishicha, ushbu baza Isroilning Eron ortidan kuzatuv olib borishdagi imkoniyatlarini kengaytiradi.

Foto: Shutterstock

Breakingdefense.com nashrining xabar berishicha, Isroil bu ma'lumotga izoh bermayotgan bo‘lsa-da, uning vakillari BAAda bo‘lg‘usi maxfiy obekt joylashadigan hududni ko‘zdan kechirib chiqishgan.

Baza Yamandan janubda joylashgan Sokotra orolida joylashadi. Ayni vaqtda ushbu hudud BAAni qo‘llab-quvvatlovchi yamanlik husiychilar tomonidan nazorat qilinadi.

Sokotrada Isroil razvedka obektlarining ochilishi Tel-Avivga Adan ko‘rfazi va Afrika shoxi mintaqasidagi vaziyatni Eronning ushbu hududdagi xatti-harakatlariga urg‘u bergan holda monitoring qilish imkoniyatlarini kengaytiradi.

Bu orada Eronda BAA va Isroil o‘rtasidagi munosabatlar yaxshilanishiga og‘riqli munosabat bildirdi. Xususan, Eron parlamenti vakillarining ta'kidlashicha, Tehron va Tel-Aviv o‘rtasida harbiy ixtilof yuz bergudek bo‘lsa, BAA nishonga olinishi mumkin.