Ichki va ziyorat turizmini rivojlantirishga oid prezident farmoni e'lon qilindi.
Farmonga ko‘ra, bir oy muddatda quyidagi yo‘nalishlarda aviareyslar yo‘lga qo‘yiladi:
- «Farg‘ona – Urganch – Farg‘ona»
- «Termiz – Urganch – Termiz»
Shuningdek, bir oy ichida «Andijon – Xiva – Andijon» temir yo‘l qatnovi soni oshiriladi.
2021 yil 1 aprelga qadar quyidagi yo‘nalishlarda doimiy temir yo‘l qatnovlari yo‘lga qo‘yiladi:
- «Termiz – Qarshi – Xiva»
- «Xiva – Urganch – Nukus»
- «Termiz – Qarshi – Samarqand»
Ikki hafta muddatda O‘zbekiston bo‘ylab sayohat qilish uchun xarajatlarning bir qismini qaytarish tartibi ishlab chiqiladi.
Turoperatorlar bilan birgalikda subsidiyalash mexanizmini qo‘llagan holda boshqa avia va temir yo‘l qatnovlarini yo‘lga qo‘yish bo‘yicha hukumatga takliflar kiritib boriladi.
