Qoʻshimcha funksionallar
-
Tungi ko‘rinish
Avgust oyidan O‘zbekistonda koronavirusga qarshi vaksina ishlab chiqariladi
Vaksina birinchi bosqichda oyiga 10 mln doza, keyinchalik yiliga 200 mln dozaga qadar ishlab chiqarilishi mumkin.
Avgust oyining uchinchi o‘n kunligidan boshlab O‘zbekistonda ZF-UZ-VAC-2001 vaksinasi ishlab chiqarila boshlanadi. Bu haqda Innovatsion rivojlanish vazirligi axborot xizmati Kun.uz’ga ma'lum qildi.
Qayd etilishicha, 24 iyul kuni vazirlikda respublikada koronavirusga qarshi vaksinalarni ishlab chiqarishni yo‘lga qo‘yish yuzasidan Xitoyning «Anhui Zhifei Longcom Biopharmaceutical» kompaniyasi vakillari bilan muzokara o‘tkazilgan. Uchrashuvda ZF-UZ-VAC-2001 vaksinasining O‘zbekistonda ishlab chiqarish imkoniyatlari muhokama qilingan.
Manbaga ko‘ra, Xitoy vakillari O‘zbekistonning ZF-UZ-VAC-2001 vaksinasi klinik sinovlarini o‘tkazishda qo‘shgan hissasi va o‘zbek tomonining ochiq, shaffof ish olib borishini yuqori baholagan.
«Xitoylik hamkorlar mamlakatimizning farmatsevtik mahsulotlarni ishlab chiqarish salohiyati bilan dastlabki tanishuvlari natijasida koronavirusga qarshi vaksina ishlab chiqarishning infratuzilmaviy imkoniyatlariga yuqori baho berdilar. Kompaniyaning bosh muhandisi Van Chji Szyun O‘zbekistonning ishlab chiqarish quvvatlari mazkur vaksinani ishlab chiqarish talablariga to‘liq muvofiq ekanligini ta'kidladi», deyiladi axborotda.
Muzokara davomida respublikada vaksina ishlab chiqarish uchun Xitoy tomonidan xomashyo yetkazib berish muddatlari va hajmi borasida dastlabki kelishuvlarga erishildi. Xususan, «Anhui Zhifei Longcom Biopharmaceutical» kompaniyasi bilan qisqa muddatlarda ishlab chiqarishni yo‘lga qo‘yish bo‘yicha memorandum imzolandi.
«Tomonlar O‘zbekistonda birinchi bosqichda oyiga 10 mln doza vaksina ishlab chiqarish va keyinchalik bu ko‘rsatkichni yiliga 200 mln dozaga qadar olib chiqish mumkinligi bo‘yicha fikr almashdilar», deyiladi xabarda.
Bundan tashqari, Xitoy tomoni bilan yaqin kelajakda vaksina ishlab chiqarish texnologiyasi transfer qilinishiga ham kelishilgan. Shuningdek, yurtimiz olim va mutaxassislarining mazkur sohadagi malakalarini oshirish maqsadida Xitoy va O‘zbekistonda bir vaqtda o‘qitish ishlari boshlanadi.
Koronavirus O‘zbekistonda
Mavzuga oid
12:27 / 24.11.2022
“Ziyoli qatlam ustidagi tajribalarda ehtiyotkorlik lozim”. Mutaxassislar – doktorantura qabulidagi beqarorlik haqida
10:54 / 17.11.2022
Doktoranturadagi alg‘ov-dalg‘ov: imtihon natijalari bekor qilinishi ortida moddiy manfaat yotibdi(mi?)
17:10 / 01.05.2022
Ibrohim Abdurahmonov oliy ta’lim mussasalaridagi yangi prorektorlik lavozimi qanday natija keltirayotgani haqida gapirdi
22:12 / 20.09.2021