Har yili bo‘lib o‘tadigan UzBuild 2022 xalqaro qurilish ko‘rgazmasi 1-4 mart kunlari qurilish sohasidagi yetakchi kompaniyalarni birlashtirdi.
Durable Beton qurilish industriyasidagi muhandislar, investorlar va tadbirkorlar uchun “Durable Stone”, “Durable JBI” va “Durable Beton” brendlari ostida yangi mahsulotlarni taqdim etdi.
4 kun davomida Durable Beton namoyishiga 100 dan ortiq nufuzli kompaniya va tashkilotlar vakillari tashrif buyurib, ko‘rgazmadagi eng yorqin pavilonlardan biri sifatida e’tirof etishdi.
Durable Beton qanday yechimlarni taqdim etdi?
1. Xalqaro standartlar asosida tayyorlangan istalgan hajmdagi beton mahsulotlarini o‘z muddatida yetkazish
Zavod qurilishida poydevor va beton qoplashdan tortib, ko‘p qavatli uylar va boshqa inshootlarni qurishda ham ishlatiladigan V7.5 - V60 rusumidagi tayyor beton yetkazib beradi.
Ko‘rgazmada kompaniya buyurtmalarni aniq vaqt rejimida kuzatish rejimini namoyish etdi. Bu xizmat o‘z buyurtmasining qanday holatda va qachon yetib kelishidan xavotir olayotgan mijozlar uchun xotirjamlik beradi.
Zavodga bormasdan turib buyurtma berish va mahsulotning yetib kelishini onlayn kuzatish jarayonida butunlay shaffoflik yaratilgan.
2. Sanoat va shahar infratuzilmasi uchun temir-beton mahsulotlari
Zavodda turar joy binolari, sanoat inshootlari va shahar infratuzilmasi qurilishida zarur bo‘lgan 100 dan ortiq temir-beton mahsulotlari ishlab chiqariladi.
Ko‘rgazma pavilonida “Yig‘ma beton buyumlar” va “Shahar infratuzilmasi uchun temir-beton buyumlar” maketlari ko‘rgazmali tarzda namoyish etildi. Yangilikning o‘ziga xosligi shundaki, zavod buyurtmachining loyihasi asosida kerakli hajmdagi yig‘ma beton mahsulotlarni ham yetkazib beradi.
