Ukraina prezidenti Volodimir Zelenskiy Xitoy Xalq Respublikasi yetakçisi Si Jinpingni Rossiya agressiyasiga qarşi kuraşda Ukrainani qöllab-quvvatlaşga qöşilişga jur’at eta olmaydigan davlatlar rahbarlari qatoriga kiritdi.
UNIAN xabariga köra, Zelenskiy bu haqda 47 ta davlat va taşkilot iştirok etgan Rossiya tajovuzi uçun adolat va javobgarlikka bağişlangan Buça sammitida aytib ötdi.
«Xitoy rahbari bilan munosabatimiz? Menimça, aynan şu lahzada u ikkilanayotgan rahbarlardan biri desam ham böladi. Menimça, biz uçun eng muhimi ğalaba yölida imkon qadar köproq davlatlarni jalb etiş uçun hamma narsani qiliş, ular qançalik uzoqda bölişidan qat’i nazar. Menimça bu aynan dunyoning uruş ustidan qozongan ğalabasini anglatadi», dedi Zelenskiy.
Davlat rahbari Ukraina ğalabasi butun dunyo va ehtimoliy tajovuz haqida öylayotgan buyuk davlatlar uçun saboq bölişi kerakligini, bunday tajovuz sodir bölmasligi kerakligini ta’kidladi.
«Totuvlikda va qurbonlarsiz yaşaş muhim. Agar biz rivojlanmoqçi bölsak, bu juda muhim. Va şuning uçun biz bunday davlatlarga signallar yuboramiz va biz uçraşişga, muhokama qilişga va birgalikda Rossiya agressiyasini yengişga tayyormiz deb aytamiz. Biz ba’zi davlatlardan javob kutmoqdamiz», dedi Zelenskiy.
Ukraina Taşqi işlar vazirligi Si Jinping Putinga ta’siridan foydalanib, uni Ukrainaga qarşi bosqinçilik uruşini tugatişga majbur qilişini kutmoqda.
Zelenskiyning aytişiça, Ukraina Xitoyga tinçlik formulasini amalga oşirişda iştirok etiş uçun rasman taklif yuborgan.
20 mart kuni Si Jinping Moskvaga taşrif buyurib, Rossiya prezidenti Vladimir Putin bilan uçraşdi.
Yaqinda Xitoyning Yevropa Ittifoqidagi vakili Fu Tsun Pekin Xitoy rahbari Si Jinping va Ukraina prezidenti Volodimir Zelenskiy örtasida telefon suhbati yoki uçraşuv ötkaziş imkoniyatini istisno qilmasligini aytgan edi.
