BMTning UNIFIL tinchlikparvar missiyasi Isroil va Livan havo hujumlaridan keyin urushni xohlamasligini aytdi. Voqea «xavfli va jiddiy keskinlik avj olishi mumkin», deya ogohlantirdi missiya.
Isroil G‘azo sektori va janubiy Livanga havo hujumlari uyushtirib, bu ushbu yo‘nalishdan Isroil hududiga bir necha o‘nlab raketalar otilganidan so‘ng HAMAS harakati nishonlariga qaratilganini ko‘rsatdi. Bu haqda 7 aprel, juma kuni Isroil mudofaa kuchlari (TsAXAL) xabar berdi. Zarbalar mahalliy vaqt bilan soat 04:30 (Toshkent vaqti bilan 06:30)da berilgan.
AFP xabariga ko‘ra, Livan janubidagi Tir shahri yaqinida, shuningdek, G‘azo sektorida portlashlar eshitilgan. Livan xavfsizlik manbasining dpa axborot agentligiga aytishicha, Isroil samolyotlari Tir hududidagi falastinlik qochqinlar lageri chetidagi qishloq xo‘jaligi dalasiga zarba berganidan keyin kamida uchta portlash sodir bo‘lgan.
Bayonotda aytilishicha, Isroil mudofaa kuchlari «HAMAS» terrorchilik tashkilotining Livandan harakatlanishiga ruxsat bermaydi va bu davlatni o‘z hududidan raketalar otilishi uchun javobgar deb hisoblaydi».
BMTning UNIFIL tinchlikparvar missiyasi Isroil va Livan havo hujumlaridan keyin urushni xohlamasligini ma’lum qildi. «Ikkala tomon ham urushni xohlamasligini aytdi», deb ta’kidladi UNIFIL. Birlashgan Millatlar Tashkilotining tinchlikparvar missiyasi ikkala davlat bilan aloqada ekanini bildirgan va barcha ishtirokchilarni hujumlarni to‘xtatishga chaqirgan. «Bir kun oldin sodir bo‘lgan voqea xavfli va jiddiy eskalatsiyaga olib kelishi mumkin», - deya ogohlantirdi missiya.
6 aprel kuni Isroil shimoli Livan hududidan turib raketa orqali o‘qqa tutildi. G‘arbiy Jalileda havo trevogasi e’lon qilingan.
Isroillik harbiylarga ko‘ra, mamlakat hududiga 30 ta raketa uchirilgan. Yediot News xabariga ko‘ra, shundan besh raketa nishonga kelib tekkan. Raketalarning aksar qismi «Temir gumbaz» havo hujumidan mudofaa tizimi orqali tutib qolingan.
