Fraksiya yig‘ilishida “Ayrim qonunlarga dehqon xo‘jaligi yuritish maqsadida beriladigan yerlarning maydonini oshirishga qaratilgan o‘zgartirishlar va qo‘shimcha kiritish to‘g‘risida”gi qonun loyihasi birinchi o‘qishda ko‘rib chiqildi.
Taklif etilayotgan qonun loyihasi bilan Qoraqalpog‘iston Respublikasi hududida aholiga chorvaga ozuqa yetishtirish uchun dehqon xo‘jaligi yuritish maqsadida beriladigan yerlarning maydoni amaldagi 2 gektarlik chegaradan 5 gektargacha oshirilishi belgilanmoqda.
Mazkur qonunning qabul qilinishi hududda chorvachilik tarmoqlarini yanada rivojlantirish, chorva ozuqa bazasini yanada ko‘paytirish, shuningdek, aholining o‘z xonadonlarida chorva mollari boqishni tashkil etish va chorva ozuqa bazasiga bo‘lgan talabni qondirishga xizmat qiladi.
Muhokamalar davomida deputatlar ushbu qonun loyihasi partiya manfaatlariga to‘la mos kelishini e’tiborga olib, uni birinchi o‘qishda konseptual jihatdan qo‘llab-quvvatladi.
